Memleket basshysy Prezident Ákimshiliginiń Basshysy Ádilbek Jaqsybekov pen Prezident Ákimshiligi Basshysynyń birinshi orynbasary Marat Tájindi qabyldady, - dep habarlaidy "Ult aqparat" Aqordaǵa silteme jasap.
Kezdesýde Nursultan Nazarbaev latyn qarpine negizdelgen qazaq álipbiiniń sońǵy jobasy qyzý talqylanyp, qoǵam tarapynan qoldaý tapqanyn atap ótti.
"Latyn qarpine negizdelgen qazaq álipbiiniń usynylǵan jobasyn bekitý týraly jarlyq shyǵarý qajet. Komissiia jumysyn aiaqtady. Sońǵy nusqa jariialandy. Ǵalymdar, tiltanýshylar, saiasatkerler, jastar jáne Qazaqstan halqy Assambleiasynyń ókilderi ortaq mámilege keldi. Jalpy, qoǵam qoldap otyr", - dedi Qazaqstan Prezidenti.
Memleket basshysy qazaq álipbiin latyn qarpine kezeń-kezeńmen jáne júieli túrde kóshirýdiń mańyzdylyǵyna nazar aýdardy.
Sonymen qatar, Elbasyǵa memlekettik tildi latyn qarpine kóshirý jónindegi jobany iske asyrý úshin qurylǵan jumys tobynyń atqarǵan qyzmeti týraly baiandaldy.
