Nursultan Nazarbaev Jair Messias Bolsonarýǵa Braziliia Federativtik Respýblikasynyń Prezidenti laýazymyna sailanýyna bailanysty quttyqtaý jedelhatyn joldady, dep habarlady "Ult aqparat" Aqordaǵa silteme jasap.
Memleket basshysy Qazaqstan halqynyń jáne jeke óziniń atynan Jair Messias Bolsonarýdy Braziliia Federativtik Respýblikasynyń Prezidenti laýazymyna sailanýymen quttyqtady.
«Qazaqstan men Braziliia arasyndaǵy yntymaqtastyq halyqtarymyzdyń jarqyn bolashaǵy úshin odan ári dami túsetinine kámil senemin.
Sizge zor densaýlyq jáne jaýapty qyzmetińizge mol tabys, al dostas Braziliia halqyna beibit ómir men baq-bereke tileimin», - delingen jedelhatta.
