Nazarbaev MAGATE-nyń dúnieden ozǵan bas direktory Iýkiia Amanonyń otbasy múshelerimen kezdesti, dep habarlaidy "Ult aqparat" elbasy.kz saityna silteme jasap.
Elbasy olardyń qaiǵysyna ortaq ekenin bildirdi jáne agenttik Bas direktorynyń jubaiy Iýkika Amano men inisi Mari Amanoǵa Iadrolyq qarýsyz álem jáne jahandyq qaýipsizdik úshin Nazarbaev syilyǵymen marapattaý rásimine qatysqany úshin alǵysyn bildirdi.
- Endigi jerde Amano myrza úshin bar istei alatynymyz – óz júregimizde ol týraly estelikti saqtaý. Bul syilyqty alý úshin Sizderdiń kelgenderińiz úshin alǵysym sheksiz, - dedi Qazaqstannyń Tuńǵysh Prezidenti.
Óz kezeginde Iýkika Amano o dúnielik bolǵan jubaiynyń qyzmetin joǵary baǵalaǵany jáne osyndai marapat úshin rizashylyǵyn aitty.
- Búgin Sizdiń qolyńyzdan osyndai joǵary nagradany aldym. Bul men úshin joǵary mártebe. Búgingi saltanatty rásimge joldasymnyń ózi qatysqysy kelgen edi. Qazaqstanmen jáne jeke Sizben jumys isteitinin maqtan etip, jii aitatyn, - dedi Iu. Amano.
