2025 jyldyń sońyna deiin sheteldiń 5 joǵary oqý ornynyń filialyn ashý josparlanyp otyr. Bul týraly Úkimet otyrysynda «BILIMDI ŪLT» barshaǵa arnalǵan sapaly bilim» ulttyq jobasyn tanystyrý kezinde Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«Qoljetimdi jáne sapaly tehnikalyq jáne kásiptik bilimmen qamtamasyz etýge toqtalsaq, 2025 jylǵa qarai suranysqa ie mamandyqtar boiynsha jastardy tegin tehnikalyq jáne kásiptik bilimmen 100% qamtý kózdelgen. Kolledjderge akademiialyq derbestik beriledi jáne barlyq oqý baǵdarlamasy eńbek naryǵynyń talaptaryna sáikes jańartylady. Kolledjderdi zamanaýi oqý-óndiristik sheberhanalarmen jabdyqtaý jumystary júrgiziledi. Barlyq kolledjderde WorldSkills talaptaryn eskere otyryp, quzyrettilikterdi anyqtaityn demonstratsiialyq emtihan engiziledi. Dýaldi oqytýǵa qatysatyn kásiporyndardy yntalandyrý esebinen 2025 jylǵa qarai dýaldi oqytýmen qamtý ósedi», - dedi A. Aimaǵambetov.
Sonymen qatar ulttyq jobada joǵary oqý oryndarynyń básekege qabilettiligin arttyrý eskerilgen.
«Suranysqa ie mamandyqtar boiynsha bilim granttarynyń sany ósedi. Oqý baǵdarlamalary jańa jaǵdailarǵa beiimdeledi. Ol úshin innovatsiialyq baǵdarlamalar ázirlenedi, bilim berý baǵdarlamalary eńbek naryǵynyń talaptaryna sáikes jańartylady. Qazaqstandyq joǵary oqý oryndarynyń básekege qabilettiligin arttyrý maqsatynda 20 akademiialyq artyqshylyq ortalyǵy jáne Nazarbaev Ýniversitetiniń tájiribesi boiynsha 2 ozyq joǵary oqý orny qurylady. Sonymen birge 2025 jyldyń sońyna deiin sheteldiń 5 joǵary oqý ornynyń filialyn ashý josparlanýda», - dedi ministr.
