Foto: Nazarbayev University Facebook paraqshasy
Nazarbaev ýniversiteti Shigeo Katsý otstavkaǵa ketkenin jáne prezident mindetin atqarýshy taǵaiyndalǵanyn habarlady.
Ýniversitet málimetinshe, Shigeo Katsý 15 maýsymda otstavkaǵa ketedi.
"13 jylǵa jýyq qyzmet atqarǵannan keiin prezident Katsý óz laýazymynan ketý týraly sheshim qabyldady. Ýniversitet qaýymdastyǵy prezident Katsýǵa Nazarbaev Ýniversitetiniń Qazaqstandaǵy birinshi álemdik deńgeidegi zertteý ýniversiteti bolýyna kómektesken kórnekti kóregendigi men tiimdi kóshbasshylyǵy úshin zor alǵysyn bildiredi", - delingen habarlamada.
Shigeo Katsý prezidenttik qyzmetinen ketkennen keiin Nazarbaev ýniversitetiniń Qamqorshylyq keńesiniń múshesi bolyp qalatyny habarlandy. Sondai-aq, ol Nazarbaev Ziiatkerlik mektepteriniń, Nazarbaev Qorynyń Qamqorshylyq keńesiniń múshesi jáne Joǵarǵy qamqorshylyq keńesiniń múshesi qyzmetin jalǵastyrady. Shigeo Katsý ýniversitet prezidentiniń mindetin atqarýshysy keńesshisi qyzmetin de atqarady.
Al ýniversitet prezidenti mindetin Ilesanmi Adesida atqarmaq.
