Búgin Astanada ótip jatqan VIII Azamattyq forýmǵa QR prezidenti Nursultan Nazarbaev qatysty. Ol barlyq ÚEU basynda Qazaqstannyń Azamattyq aliansy turýy tiis ekenin aitty, dep habarlaidy Baq.kz.
«Qazir biz úshin áleýmettik saiasattyń barlyq túiindi baǵyttaryna úkimettik emes sektordy barynsha tartý mańyzdy bolyp otyr», - dedi Nursultan Nazarabaev.
Memleket basshysy osyǵan bailanysty sharalar legin usyndy.
«Birinshiden, ÚEU jobalaryn qarjylandyrýdyń barlyq rásimderi ashyq ári túsinikti boly tiis. Osy oraida Úkimetke tsifrlandyrý aiasynda ÚEU anyqtaýdyń biryńǵai elektrondy reestrin qurýdy tapsyramyn», - dedi Elbasy.
Sondai-aq ol ÚEU daýysy estilýi úshin azamattyq baqylaýdyń tiimdi mehanizmin qalyptastyrýdyń mańyzdy ekenin aitty.
«Olar bir jerge shoǵyrlanýy tiis. Bul jerde Qazaqstannyń Azamattyq aliansy jetekshi róldi atqarýy qajet», - dedi Nazarbaev.
Budan bólek Elbasy úkimettik emes sektorǵa memleket fýnktsiialaryn berý jumystaryn jalǵastyrýdy, sonymen birge osy sektorda jastar saiasatyn júzege asyrýdy kúsheitýdi tapsyrdy. Bul 2019 jyldy Jastar jyly dep jariialaǵan sátte óte mańyzdy bolyp otyr.
«Úkimetke sizdermen birge 2025 jylǵa deiingi azamattyq qoǵamdy damytýdyń tujyrymdamasyn ázirleýdi tapsyramyn», - dedi Elbasy.
