QR Tuńǵysh Prezidenti Nursultan Nazarbaev Túrkiia Respýblikasynyń burynǵy Prezidenti Abdýlla Gúlmen kezdesti, dep habarlaidy "Ult aqparat" Elbasy saityna silteme jasap.
Kezdesýde Elbasy A.Gúlge «Astana klýbynyń» jumysyna belsene qatysqany úshin rizashylyǵyn bildirdi.
«Siz otyrysta jaqsy sóiledińiz. Men sizdiń ideialaryńyzdy qoldaimyn. Kezinde biz eki el arasyndaǵy yntymaqtastyqty nyǵaityp, ekonomikalyq integratsiiany damytý jolynda kóp jumys atqardyq. Bul is qazir de jalǵasyp jatyr», – dedi Qazaqstannyń Tuńǵysh Prezidenti.
A.Gúl «Astana klýby» otyrysynyń aiasynda jahandyq kún tártibi máselelerin talqylaýdyń ózektiligine toqtalyp, Nursultan Nazarbaevtyń «Úlken Eýraziia» qurlyǵynda yntymaqtastyq pen qaýipsizdikti nyǵaitý isindegi mańyzdy rólin atap ótti.
