Elbasy Túrik Respýblikasy Premer-Ministriniń orynbasary Tuǵrul Túrkeshpen kezdesti, dep habarlaidy "Ult aqparat" Aqordanyń baspasóz qyzmetine silteme jasap.
Kezdesýde Qazaqstan Prezidenti Túrkiianyń bizge jaqyn ári aǵaiyn elderdiń biri ekenin atap ótti.
– Qazaqstan táýelsizdik alǵannan bergi 25 jyl ishinde bizdiń ózara qarym-qatynasymyz barlyq baǵyt boiynsha ilgerilep, damyp keledi, – dedi Memleket basshysy.
T.Túrkesh ózin qabyldaǵany úshin Nursultan Nazarbaevqa alǵys aityp, Túrik Respýblikasynyń Prezidenti Rejep Taiip Erdoǵannyń sálemin jetkizdi.
– Túrik Respýblikasy men Qazaqstan arasyndaǵy qatynastardyń tamyry tereńde. Qazaqstannyń halyqaralyq uiymdar qyzmetine, ásirese, BUU Qaýipsizdik Keńesiniń turaqty emes múshesi retinde belsene qatysýy Túrkiia úshin mańyzdy, – dedi Túrkiia Premer-Ministriniń orynbasary.
