Búgin Almatyda Qazaqstan qarjygerleriniń ÚIII kongresiniń alǵashqy kúni ótip jatyr. Jiynǵa QR Ulttyq bankiniń tóraǵasy Daniiar Aqyshev, QR Premer-Ministriniń orynbasary Erbolat Dosaev, qazaqstandyq ekinshi deńgeili bankterdiń, sondai-aq sheteldik ortalyq bankterdiń basshylary qatysyp jatyr.
QR Premer-Ministriniń orynbasary Erbolat Dosaev óz sózin memleket basshysynyń quttyqtaýymen bastady.
«Tól teńgemizdi ainalymǵa engizý - memleketimizdiń qalyptasý jolyndaǵy mańyzdy belesterdiń biri. Teńge óz qarjylyq júiemizdi qalyptastyrýdy, derbes aqsha-nesie saiasatyn júrgizýimizdi qamtamasyz etti. Sodan beri el ekonomikasynyń ahýaly aitarlyqtai ósti. Shetelden tartylǵan investitsiialar kólemi - 300 mlrd dollardan, al halyqaralyq qorymyz 86 mlrd dollardan asty. Qazirgi tańda institýtsionaldy reformalar júzege asyrylyp keledi. Búginde halyqaralyq qarjy júiesiniń odan ári jetildirý úshin ońtaily sheshim izdeý qajettiligi týyp otyr. Kongress syndarly oi pikir almasatyn, elimizdiń ál-aýqatyn arttyryp, ornyqty damý úshin memleketter arasynda qarjylyq yntymaqtastyqty nyǵaitýdyń jańa ádisterin ázirleitin tiimdi baspasóz alańy bolady dep senemin», - dedi Erbolat Dosaev QR Prezidenti Nursultan Nazarbaevtyń quttyqtaý sózin oqi kele.
Aita ketý kerek, búgin Almatyda Qazaqstan qarjygerleriniń VIII kongresi bastaldy. Mańyzdy jiyn tól teńgemizdiń dúniege kelgenine 25 jyl tolýyna orai uiymdastyrylyp otyr.
Óz sózinde bas bankir Qazaqstannyń ulttyq valiýtasynyń el ekonomikasyna yqpaly týraly tilge tiek etti.
Sonymen qatar, Daniiar Aqyshev saqtandyrý naryǵynyń bolashaǵy týraly boljamyn aitty.
