Nursultan Nazarbaev Qasym-Jomart Toqaevty Qazaqstandaǵy kezekten tys prezidenttik sailaýdaǵy jeńisimen quttyqtady, - dep habarlaidy "Ult aqparat" Elbasy.kz saityna silteme jasap.
"Sizdi Qazaqstan Respýblikasynyń Prezidenti sailaýyndaǵy aiqyn jeńisińizben riiasyz kóńilmen quttyqtaimyn! Bul – Memleket basshysy retindegi bedelińizdiń aishyqty aiǵaǵy, sondai-aq aýqymdy reformalaryńyz ben tyń bastamalaryńyzǵa jáne táýelsizdik taǵdyry tarazyǵa tartylǵan syn saǵatta kórsete bilgen tabandy da sheshimtal minezińizge, aqyl-parasatyńyzǵa degen halyqtyń qaltqysyz seniminiń daýsyz dáleli.
Aldaǵy ýaqytta da barshanyń alǵys-rizashylyǵy men qurmetine bólene berýińizge tilektespin", – delingen Nursultan Nazarbaevtyń quttyqtaýynda.
Aita keteiik, exit poll nátijesi boiynsha Qazaqstandaǵy kezekten tys prezidenttik sailaýda qazirgi Memleket basshysy Qasym-Jomart Toqaev 82 paiyzǵa jýyq daýys jinap, jeńiske jetti.
