Memleket basshysy Nursultan Nazarbaev elimizdegi túrmeler sanynyń azaiý sebebin atady, dep habarlaidy QazAqparat tilshisi.
«Sáýle Mektepbaeva da (forýmda sóz sóilegen spiker) meni alańdatatyn túrmedegi adamdardyń sanyn azaitý máselesin kóterdi. Bul rette memlekettiń jumysyn erekshe atap ótý kerek. Iaǵni, memleket árbir qylmys úshin jazany túrmede otyrǵyzý turǵysynda zańdy ózgertti. Biz biletindei, túrmeden adamnyń qandai bolyp shyǵatyny belgili... Biz ol jerde adamdy tárbieleýdiń ornyna, basqa baǵytqa itermeleimiz. Mine, sondyqtan biznestegi zań buzýshylyqtar men shaǵyn qylmystar úshin aqshamen jazalaý kerek. Biz zańnamany osylai ózgertýdiń arqasynda túrmedegilerdiń sany azaidy. Jumystardy jalǵastyrý kerek. Osynyń arqasynda qanshama túrmeler, qalǵan túrmelerdi osynyń arqasynda jóndeýden ótkizýge de múmkindik týdy», - dedi Elbasy Astanada ótip jatqan Azamattyq forým barysynda.
Memleket basshysy óz sózinde ekstremister men terroristerdi súrinip ketken jastarmen otyrǵyzý durys emes ekenin atap ótti.
Eske sala ketsek, búgin elordadaǵy Táýelsizdik saraiynda Elbasy Nursultan Nazarbaevtyń qatysýymen VIII Azamattyq forýmy ótip jatyr. Eki kúndik sharaǵa úkimettik emes uiymdardyń, memlekettik jáne halyqaralyq uiymdardyń, biznes qaýymdastyqtyń 850-den astam ókili, sondai-aq qoǵam qairatkerleri qatysýda.
