Qazaqstannyń Tuńǵysh Prezidenti Qaraǵandy farmatsevtikalyq zaýytynda shyǵarylǵan "Spýtnik V" vaktsinasynyń birinshi komponentin saldyrdy, - dep habarlaidy "Ult aqparat" elbasy.kz saityna silteme jasap.
Vaktsina alǵanan keiin Elbasy qazaqstandyqtardy sanitarlyq-epidemiologiialyq qaýipsizdik talaptaryn saqtaýǵa jáne belsendi túrde ekpe saldyrýǵa shaqyrdy.
"Qazirgi ýaqytta Qazaqstanda úsh millionǵa jýyq adam vaktsina saldyrdy. Búgin men de koronavirýsqa qarsy vaktsina aldym. Qazaqstandyqtardy belsendi túrde vaktsina alýǵa, odan qoryqpaýǵa shaqyramyn. Ásirese qazir virýstyń jańa shtamy paida bolǵan kezde vaktsina salǵyzýdyń mańyzy erekshe. Bul óz densaýlyǵymyz úshin kerek. Biz kúrdeli ýaqytta ómir súrip jatyrmyz. Osy qiyndyqty birlesip eńserýge tiispiz. Barshańyzǵa shyn júrekten myqty densaýlyq pen baq-bereke tileimin", - dedi Nursultan Nazarbaev.
