9 maýsymda ótetin kezekten tys prezidenttik sailaýda azamattarymyz durys tańdaý jasaidy dep senemin. Bul týraly búgin «Nur Otan» partiiasynyń kezekten tys HIH sezinde QR Tuńǵysh Prezidenti Nursultan Nazarbaev aitty, dep habarlaidy "Ult aqparat".
Elbasy aldaǵy kezekten tys prezidenttik sailaý ótetin tarihi kezeńde halqymyz bereke-birlik tanytatyndyǵyna senetindigin aitty. Jańa basshylyq halyq senimine ie bolyp, elimizdi belgilengen strategiialyq baǵytta alǵa jeteleitinin atap ótti.
«Eger sailaýshylar «Nur Otan» partiiasynyń kandidatyna qoldaý bildirse, baǵyt-baǵdarymyzdyń durystyǵyn taǵy bir márte dáleldegenimiz bolyp tabylady. Azamattarymyz durys tańdaý jasaidy dep kámil senemin. Aldaǵy naýqanǵa qatysýshylardyń barlyǵyn sailaý zańnamasyn jáne saiasi básekeniń negizgi qaǵidattar men erejelerin saqtaýǵa shaqyramyn», - dedi Nursultan Nazarbaev.
