Qazaqstannyń Tuńǵysh Prezidenti Nursultan Nazarbaev Berdibek Saparbaevty premer-ministrdiń orynbasary qyzmetine taǵaiyndalýymen quttyqtady, dep habarlaidy Sputnik Qazaqstan.
Nur Otan partiiasy saiasi keńesiniń keńeitilgen otyrysynda Nazarbaev ákimderdi halyqqa jaqyn bolýǵa shaqyrdy. Osy oraida ol óńir basshylaryna ár jyldary tórt oblysty basqarǵan Berdibek Saparbaevty úlgi etti.
"Berdibek Máshbekuly, barlyǵynyń atynan seni vitse-premer qyzmetine taǵaiyndalýyńmen quttyqtaimyn! Baiaǵydan beri osy jer seniń ornyń edi. Tórt oblysta ákim boldyń. Mynanyń bárin kórdiń ǵoi. Sol kezde halyqtyń arasynda júrdik qoi. Elmen sóilesip júrdik, halyq aitqanymyzdy túsinip júrdi. Solai emes pe, solai", - dedi Nazarbaev.
Elbasy ákimderge halyqty mazalaityn máselelerdi jedel sheshýdi tapsyryp, partiianyń qoǵamdyq qabyldaýlarynyń jumysyn jandandyrý qajet ekenin aitty.
"Premer-ministr, ministrler, barlyq deńgeidegi ákimder, memlekettik organ basshylary – barlyǵy halyqpen betpe-bet kezdesip, muń-muqtajyna qulaq asýy kerek", - dedi ol.
Aita ketsek, Berdibek Saparbaev osy jyldyń aqpan aiynda eńbek jáne halyqty áleýmettik qorǵaý ministri bolyp taǵaiyndalǵan edi. Saparbaev vedomstvo tizginin elde kópbalaly analardyń narazylyǵy kúsheigen tusta qolǵa aldy.
20 tamyzda Qazaqstan prezidenti Saparbaevty úkimet basshysynyń orynbasary qyzmetine taǵaiyndady.
