Nursultan Nazarbaev Resei Federatsiiasynyń Prezidenti Vladimir Pýtinge kóńil aitý jedelhatyn joldady, dep habarlaidy "Ult aqparat" Aqordanyń baspasóz qyzmetine silteme jasap.
Qazaqstan Prezidenti Sankt-Peterbýrg qalasy metrosyndaǵy jarylys saldarynan adamdardyń qaza bolǵany týraly habardy zor kúizelispen qabyldady.
«Bul oqiǵa qabyrǵamyzdy qaiystyrdy, Resei Federatsiiasy halqynyń aýyr qaiǵysyna shyn nietimizben ortaqtastyǵymyzdy bildiremiz», – delingen jedelhatta.
Memleket basshysy qaza bolǵandardyń týystary men jaqyndaryna barsha Qazaqstan halqynyń jáne jeke óziniń atynan kóńil aitty, sondai-aq zardap shekkenderdiń tezirek saýyǵyp, otbasylaryna oralýyna tilektestik bildirdi.
