Nursultan Nazarbaev RF Memlekettik Dýmasynyń tóraǵasy Viacheslav Volodinmen kelissóz ótkizdi, dep habarlaidy "Ult aqparat".
Kezdesý barysynda Elbasy Qazaqstan men Resei Federatsiiasy arasyndaǵy qatynastardy nyǵaitý jónindegi jumystyń nátijeleri men perspektivalaryna toqtaldy.
– Memlekettik Dýma men Parlament Májilisi tutastai bizdiń elderimiz siiaqty dostyq bailanysta. Bizdiń qatynastarymyz saiasatta da, ekonomikalyq salada da, sondai-aq, mádeni-gýmanitarlyq yntymaqtastyqta da úlgili bolyp tabylady. Biz ári qarai da osy baǵyttar boiynsha jumysty jalǵastyra beretinimizge senimdimin, - dedi Qazaqstannyń Tuńǵysh Prezidenti.
Óz kezeginde V.Volodin Elbasynyń Qazaqstan men Resei arasyndaǵy memleketaralyq qatynastardy ornatýdaǵy jáne nyǵaitýdaǵy mańyzdy rólin atap ótti.
Sonymen qatar, RF Memlekettik Dýmasynyń tóraǵasy aldaǵy parlamenttik sharaǵa daiyndyqtyń joǵary deńgeiin aita kele, parlamentaralyq bailanystardy nyǵaitýdaǵy spikerler keńesiniń ósip kele jatqan róline nazar aýdardy.
