Nursultan Nazarbaev Qazan qalasyndaǵy qaiǵyly oqiǵaǵa bailanysty kóńil aitty. Bul týraly elbasy.kz saity habarlady.
Qazaqstannyń Tuńǵysh Prezidenti Tatarstan astanasyndaǵy mektepke qarýly shabýyl jasalyp, adamdardyń qaza tabýyna bailanysty Resei Federatsiiasynyń Prezidenti Vladimir Pýtinge kóńil aitý jedelhatyn joldady.
«Qazan qalasynyń №175 mektebinde bolǵan tragediia saldarynan balalar men eresek adamdardyń opat bolǵany týraly qaiǵyly habardy kúizelispen qabyldadym.
Qaza tapqandardyń týystary men jaqyndarynyń qaiǵysyna ortaqtasyp, kóńil aitamyn. Zardap shekkenderdiń tezirek saýyǵyp, otbasylaryna oralýyna tilektespin», – delingen jedelhatta.
Aita keteiik, búgin Qazanda eki adam Djaýdat Faizi kóshesinde ornalasqan №175 mektepte oq jaýdyrdy. Sońǵy derekter boiynsha, atys saldarynan 9 adam qaza tapqan.
Kúdiktiniń bireýi qolǵa tústi. Al ekinshisin arnaiy operatsiia kezinde atyp tastady. Qazirgi kezde qylmystyq is qozǵaldy. Qazan qalasynda kontrterroristik operatsiia rejimi engizildi.
Qaiǵyly jaǵdaiǵa bailanysty Tatarstan Prezidenti Rýstam Minnihanov 12 mamyrdy respýblikada aza tutý kúni dep jariialady.
