نۇرسۇلتان نازارباەۆ قازان قالاسىنداعى قايعىلى وقيعاعا بايلانىستى كٶڭٸل ايتتى. بۇل تۋرالى elbasy.kz سايتى حابارلادى.
قازاقستاننىڭ تۇڭعىش پرەزيدەنتٸ تاتارستان استاناسىنداعى مەكتەپكە قارۋلى شابۋىل جاسالىپ, ادامداردىڭ قازا تابۋىنا بايلانىستى رەسەي فەدەراتسيياسىنىڭ پرەزيدەنتٸ ۆلاديمير پۋتينگە كٶڭٸل ايتۋ جەدەلحاتىن جولدادى.
«قازان قالاسىنىڭ №175 مەكتەبٸندە بولعان تراگەدييا سالدارىنان بالالار مەن ەرەسەك ادامداردىڭ وپات بولعانى تۋرالى قايعىلى حاباردى كٷيزەلٸسپەن قابىلدادىم.
قازا تاپقانداردىڭ تۋىستارى مەن جاقىندارىنىڭ قايعىسىنا ورتاقتاسىپ, كٶڭٸل ايتامىن. زارداپ شەككەندەردٸڭ تەزٸرەك ساۋىعىپ, وتباسىلارىنا ورالۋىنا تٸلەكتەسپٸن», – دەلٸنگەن جەدەلحاتتا.
ايتا كەتەيٸك, بٷگٸن قازاندا ەكٸ ادام دجاۋدات فايزي كٶشەسٸندە ورنالاسقان №175 مەكتەپتە وق جاۋدىردى. سوڭعى دەرەكتەر بويىنشا, اتىس سالدارىنان 9 ادام قازا تاپقان.
كٷدٸكتٸنٸڭ بٸرەۋٸ قولعا تٷستٸ. ال ەكٸنشٸسٸن ارنايى وپەراتسييا كەزٸندە اتىپ تاستادى. قازٸرگٸ كەزدە قىلمىستىق ٸس قوزعالدى. قازان قالاسىندا كونترتەرروريستٸك وپەراتسييا رەجيمٸ ەنگٸزٸلدٸ.
قايعىلى جاعدايعا بايلانىستى تاتارستان پرەزيدەنتٸ رۋستام ميننيحانوۆ 12 مامىردى رەسپۋبليكادا ازا تۇتۋ كٷنٸ دەپ جارييالادى.
