Memleket basshysy Nursultan Nazarbaev meditsinanyń sońǵy jańalyqtaryn jiti baqylaýǵa keńes berdi, dep habarlaidy QazAqparat tilshisi.
«Meditsinada kún saiyn bir jańalyqtar shyǵyp jatady. Áitpese, jarnamany tyńdap kórseń, ne jeitinińdi bilmei qalasyń. Búgin kofeni ishýge bolady deidi. Ertesinde ziiandy dep jazyp jatady. Kúni keshe men qyzyl etke qatysty bir material oqydym. Ony da densaýlyqqa paidasy joq dep keldi. Al maldyń maiy eń paidaly deidi. Osyny adamnyń ózi ǵana anyqtai alady. Seniń deneń, aǵzań ony qabyldai ma, joq pa, óz belgi beredi», - dedi N.Nazarbaev Qazaqstan halqy Assambleiasynyń XXVI sessiiasynda.
Osy oraida Prezident dáriger mamandardy daiarlaý jumysyna basa nazar aýdarý qajettigine toqtaldy. Osy jumysqa adam óz qalaýymen kelýi tiis.
Aita keteiik, Qazaqstan halqy Assambleiasynyń XXVI sessiiasynda QR Ulttyq bank tóraǵasy Daniiar Aqyshev Prezidentke «7-20-25» baǵdarlamasy týraly aityp berdi. Memleket basshysy atalǵan bastama aiasynda arzan ipotekany aldymen jas otbasylarǵa berýdi usyndy. Sondai-aq, Prezident Shymkenttegi toilardy synǵa aldy.
