Qazaqstan Prezidenti Oral qalasynyń ortalyq alańyn aralap kórgennen keiin, memlekettik turǵyn úi baǵdarlamasynyń iske asyrylý barysymen jáne qalany odan ári damytý josparymen tanysty, dep habarlaidy Aqordanyń baspasóz qyzmeti.
Memleket basshysyna eski úilerdi buzyp, ornyna jańa úi salý, sondai-aq áleýmettik sala nysandarynyń qurylysyna investitsiia tartý barysy jóninde málimet usynyldy.
Sonymen qatar, Nursultan Nazarbaevqa «Aqyldy qala» tujyrymdamasy aiasyndaǵy jobalardyń iske asyrylýy týraly baiandaldy.
Elbasy, sondai-aq, óńir jurtshylyǵymen kezdesti. Onda turǵyndar Memleket basshysyna qabyldanǵan «Bes áleýmettik bastama» úshin alǵys bildirdi.
Qazaqstan Prezidenti elimizde júzege asyrylyp jatqan áleýmettik baǵdarlamalar qoǵamnyń, ásirese jastardyń, meilinshe ózekti problemalaryn sheshýge baǵyttalǵanyn atap ótti.
Nursultan Nazarbaev Qazaqstan qoǵamynda beibitshilik pen kelisimdi saqtaýdyń mańyzdylyǵyna toqtalyp, elimizdiń qarqyndy ekonomikalyq damýy úshin óńirlik jáne halyqaralyq yntymaqtastyqty nyǵaitýdyń máni zor ekenin aitty.
Áńgimelesý sońynda Elbasy oblys turǵyndaryna tabys pen baq-bereke tilep, Qazaqstandy órkendetý isine belsendi atsalysýǵa shaqyrdy.
