Elbasy Nursultan Nazarbaev otstavkaǵa keter aldynda, prezidenttikten bas tartý týraly sheshimin alǵashqy bolyp qai eldiń basshysyna habarlaǵanyn aitty.
"Mundai habardy jariiaǵa jar sap, jan-jaqqa taratýǵa bolmaidy. Áýelde eshkimge aitpap em. Tek sol kúni tańerteń, báribir de úlken kórshimiz ǵoi degen oimen, Pýtinge telefon soqtym. Ol tańǵalysyn jasyrmady. "Búgin keshke jariialaimyn, siz meniń óz aýzymnan estisin dep sheshtim" dedim. Boldy. Qalǵan memleket basshylary bilgen joq. Onyń ústine bul sheshimdi men burynyraq, 2015 jyly qabyldaǵan edim. 75 jasym ótken soń, osymen támam, bul barer dep sheshtim", - dedi Nazarbaev "Shtrihi k portretý" derekti filminiń 5-shi bóliminde.
Derekti film kezinde Nazarbaev 2011 jyly naýryz aiynda bolǵan oqiǵany eske aldy. Ol kontsertte otyrǵan, kontsert aiaqtalǵan kezde ornynan turyp, aiaǵyn basa almai qalǵan. Kúzetshini shaqyryp, baldaq siiaqty onyń qolynan ustap alyp, kóptiń kózine kórinbei, aqyryndap shyǵyp ketken. Budan soń dárigerge qaraldy.
Nursultan Nazarbaevqa 2011 jyly omyrtqasyna ota jasalǵan. Elbasy otstavkaǵa ketý týraly sheshim qabyldaýǵa osy ota da áser etkenin málimdedi.
Aita keteiik, 2019 jyly naýryzda Nursultan Nazarbaev óz erkimen otstavkaǵa ketetinin málimdegen bolatyn.
