Memleket basshysy Nursultan Nazarbaev Batys Qazaqstan oblysynyń ákimi Altai Kólginovti, Pavlodar oblysynyń ákimi Bolat Baqaýovty, Qaraǵandy oblysynyń ákimi Nurmuhambet Ábdibekovti jáne Ońtústik Qazaqstan oblysynyń ákimi Beibit Atamqulovty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Altai Kólginovpen kezdesýde óńdeý ónerkásibi men aýyl sharýashylyǵyn damytý, sondai-aq, óńirdiń ekonomikasyn odan ári ártaraptandyrý perspektivalary qarastyryldy.
A.Kólginov Memleket basshysyn óńirdiń áleýmettik-ekonomikalyq kórsetkishteri, memlekettik baǵdarlamalardyń júzege asyrylý barysy, sondai-aq aldaǵy kezeńdegi ózekti mindetter jóninde habardar etti.
Memleket basshysy kezdesý qorytyndysy boiynsha birqatar naqty tapsyrma berdi.
Pavlodar oblysynyń ákimi Bolat Baqaýovpen kezdesýde oblystyń negizgi áleýmettik-ekonomikalyq kórsetkishteri jáne taiaý kezeńdegi damý perspektivalary qarastyryldy.
B.Baqaýov Qazaqstan Prezidentine óńirdegi ónerkásiptiń ósý qarqyny, onyń ishinde ken óndirý, metallýrgiia jáne energetika salalaryndaǵy ahýal jóninde baiandady.
Sonymen qatar, agroónerkásiptik keshendi jáne aýyl sharýashylyǵy jerlerin sýaratyn irrigatsiialyq nysandardy odan ári damytý jónindegi sharalar talqylandy.
Memleket basshysy kezdesý qorytyndysy boiynsha birqatar naqty tapsyrma berdi.
Sondai-aq Qazaqstan Prezidenti Qaraǵandy oblysynyń ákimi Nurmuhambet Ábdibekovti qabyldady.
Nursultan Nazarbaev kezdesý barysynda búginde óńir damýynda erekshe kóńil bólýdi qajet etip otyrǵan birqatar ózekti baǵyttardy atap kórsetti. Máselen, halyqty jumyspen qamtamasyz etý, ónerkásiptik nysandardy damytý jáne iri investitsiialyq jobalardy júzege asyrý máseleleri talqylandy.
N.Ábdibekov Memleket basshysyna óńirdi damytýdyń negizgi áleýmettik-ekonomikalyq kórsetkishteri, ózekti memlekettik baǵdarlamalardy júzege asyrý barysy, sondai-aq aldaǵy kezeńdegi josparlary jóninde málimdedi.
Memleket basshysy kezdesý qorytyndysy boiynsha birqatar naqty tapsyrma berdi.
Ońtústik Qazaqstan oblysynyń ákimi Beibit Atamqulovpen kezdesýde óńirdi áleýmettik-ekonomikalyq turǵydan damytý, onyń ishinde aýyl sharýashylyǵy, óńdeý salasy, halyqty jumyspen qamtamasyz etý máseleleri talqylandy.
Nursultan Nazarbaev oblystyń investitsiialyq tartymdylyǵyn arttyrý, shaǵyn jáne orta kásipkerlik nysandaryn qoldaý jónindegi mindetterdiń oryndalýyn jalǵastyrýdy tapsyrdy.
Memleket basshysy kezdesý qorytyndysy boiynsha birqatar naqty tapsyrma berdi.
.jpeg)