Nursultan Nazarbaev Mysyr Arab Respýblikasynyń Prezidenti Ábdel Fattah As-Sisige kóńil aitý jedelhatyn joldady, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy Kair qalasynyń temirjol vokzalyndaǵy jarylys saldarynan kóptegen adamnyń qaza bolǵany týraly habardy zor kúizelispen qabyldady.
«Qazaqstan halqynyń jáne jeke ózimniń atymnan qaza bolǵandardyń otbasylary men jaqyndaryna kóńil aitamyn. Zardap shekkenderdiń tezirek saýyǵyp ketýine tilektestik bildiremin», - delingen jedelhatta.
Eske sala ketsek, Kair qalasyndaǵy Ramses vokzalynda jolaýshylar poiyzy platformaǵa soǵylǵan. Júrdek poiyzdyń janarmai bagy jarylyp, apattan kem degende 25 adam mert bolyp, 50-den astamy zardap shekken. QR SIM málimetinshe, zardap shekkender arasynda qazaqstandyqtar joq.
