QR Tuńǵysh Prezidenti Nursultan Nazarbaev Temirtaýda metallýrg bolyp eńbek etip júrgen kezin esine aldy. Elbasynyń baspasóz qyzmeti osyndai shaǵyn video jariialady, dep habarlaidy "Ult aqparat".
«Búgin bizdiń «Elbasy týraly faktiler» aidarynda «Temirtaýda jas metallýrg Nursultan Nazarbaevqa zamanǵa sai jeke jylytylǵan páter bólipti degen sóz ras pa?» degen suraq qoiyldy», - dep jazady Tuńǵysh Prezidenttiń baspasóz qyzmeti Instagram-daǵy paraqshasynda.
Bul suraqqa Nursultan Nazarbaev «joq» dep jaýap beredi.
«Ol kezde jataqhanalar tar edi, tórt jigit jerge tósek salyp jatatynbyz. Úsh-tórt jigitke kórpe jetpei, túnde sýyq kezde qalǵan matrastardy ústimizge jaýyp alatynbyz. Osylai uiyqtaityn edik. Óte sýyq bolatyn. Temirtaýdy bilesizder ǵoi. Batareia sýyq. Jylytylmaidy. Qurylys jumystarynyń alańynda da sol. Brezent arnaiy kiimdi keptirip qoiyp, ekinshi kúni kiseń, dymqyl bolyp turatyn. Ústińe kiip alsań, muz syqyr-syqyr etip, eri bastaidy. Bunyń bári basymyzdan ótti», - deidi Elbasy.
