Qazaqstannyń Tuńǵysh Prezidenti Nursultan Nazarbaev memleketten kómek surai beretin adamdarǵa jaýap berdi, dep habarlaidy "Ult aqparat".
«Táýelsizdiktiń alǵashqy jyldarynda kún saiyn júzdegen alǵysóz sóilep, el ishinde 1000-nan astam sapar jasaýǵa týra keldi. Sebebi, eshteńe joq, ailyq joq, dúkender bos. Barlyǵy «ber» deidi. Memlekette joq bolsa, qaidan beremiz? Qazir de 30 jylǵy urandy kóteredi. «Maǵan ber, meniń balam kóp, ailyǵym az, ber» deidi. Eger memleket tapsyrmalardy sheship, berse, «az, taǵy da ber» deidi. Qarańyzdar. Bir million oralmandy shaqyryp, alyp keldik. Bir de bir memleket ony jasaǵan joq. Alyp kelip jumys isteńder, balalaryń úilensin, óssin desek, olar «maǵan berińder» deidi. Jumys isteńder. Jumys istemeýge bolmaidy. Memleket qarjysyn jinaityn – el, halyq. Ol halyq jumys istemese, memlekettiń qaltasynda aqsha bolmasa neni beremiz dep aityp, naqty elge túsindirý kerek emes pe? Qalai qaraisyńdar? Ómirzaq Estaiuly, qarap otyrsyń, a? Sondyqtan forma, stil, kabinet, otyrys, sheneýnikterdiń dress-kodyn toqtatý kerek. Sailaýshylarǵa baryp, muǵalimder, dárigerler, óndiris oryndary qyzmetkerleri sekildi partiianyń qarapaiym músheleriniń múddelerin qorǵaý kerek. Basty uran – halyqqa jaqyn bolý», - dedi Nazarbaev.
