Qazaqstannyń Tuńǵysh Prezidenti «Nazarbaev Ziiatkerlik mektepteri» derbes bilim berý uiymynyń basqarma tóraiymy Kúlásh Shámshidinovany qabyldady, dep habarlaidy Elbasy.kz.
Kezdesýde Elbasyǵa elimizdegi ziiatkerlik mektepterdiń qazirgi jaǵdaiy men aldaǵy damý jospary týraly baiandaldy.
Qazaqstannyń Tuńǵysh Prezidenti 2008 jyldan beri respýblika boiynsha jiyrmadan astam jaratylystaný-matematika baǵytyndaǵy Nazarbaev Ziiatkerlik mektebi ashylyp, áleýmettik turǵydan az qamtylǵan balalar úshin úlken demeý bolǵanyn atap ótti.
Osyǵan deiin bul mektepterdi 14,5 myńnan astam bala bitirip, onyń árbir tórtinshisi Nazarbaev Ýniversitetine qabyldandy.
2021 jyldyń ózinde Nazarbaev Ziiatkerlik mektepteri túlekteriniń 29 paiyzy Nazarbaev Ýniversitetine, al 78 bala álemniń eń ozyq ýniversitetterine tústi.
K.Shámshidinova PISA-2018 halyqaralyq zertteýiniń nátijesi boiynsha Nazarbaev Ziiatkerlik mektepteri dúnie júzinde matematikadan - úshinshi orynda, jaratylystanýdan - besinshi orynda turǵanyn, oqý saýaty boiynsha - toǵyzynshy orynda ekenin aitty.
Sondai-aq Elbasyǵa ziiatkerlik mektep oqýshylarynyń halyqaralyq olimpiadalarda qol jetkizgen jetistikteri týraly aqparat berildi.
Sonymen qatar Qazaqstannyń Tuńǵysh Prezidentine Túrkistandaǵy Nazarbaev Ziiatkerlik mektebi qurylysynyń aiaqtalý barysy, oqytýdyń jańa ádistemelerin engizý jáne elimizdegi basqa da oqý oryndaryna Nazarbaev Ziiatkerlik mektebi tájiribesin taratý boiynsha qabyldanyp jatqan sharalar týraly baiandaldy.
