Nursultan Nazarbaev Belarýs Respýblikasynyń Prezidenti Aleksandr Lýkashenkomen kezdesti, dep habarlaidy Elbasy saity.
Kezdesý barysynda Tuńǵysh Prezident eki el arasyndaǵy dostyq qatynastardy saqtaýdyń jáne odan ári damytýdyń mańyzdylyǵyn atap ótti.
«Bizdiń elge saparmen kelgenińizge qýanyshtymyn. Biz birge talai qiyndyqtardan óttik. Osy jyldardyń ishinde bir-birimizden biraz nárse úirendik. Qazir álem aitarlyqtai ózgerip jatyr. Mundai jaǵdaida qol jetkizgen jetistikterdi saqtap qalý mańyzdy. Sizdi Belarýs Respýblikasyna sińirgen barlyq eńbegińiz ben adami qasietterińiz úshin qurmetteimin. Sondai-aq, Sizdiń senimdi dosyńyz bolyp qala beremin», - dedi Nursultan Nazarbaev.
Óz kezeginde, Aleksandr Lýkashenko Qazaqstannyń Tuńǵysh Prezidentiniń óńirlik integratsiialyq birlestikter aiasynda yntymaqtastyqty damytýdaǵy mańyzdy rólin atap ótti.
«Sizdi Joǵary Eýraziialyq ekonomikalyq keńestiń Qurmetti Tóraǵasy retinde Sankt-Peterbýrgte ótetin Keńes otyrysyna shaqyrý jóninde ortaq usynys tústi. Bul basqosýda aldaǵy perspektivalardy aiqyndaimyz. Taǵdyr Qazaqstan, Belarýs pen Reseige postkeńestik keńistiktegi osy integratsiianyń iadrosy bolýdy jazdy. Qazaqstan Siz arqyly árqashan osyndai integratsiianyń bastamashysy boldy. Sondyqtan jumysty osy qarqynmen jalǵastyrý kerek», - dedi Belarýs Respýblikasynyń Prezidenti.
