Qazaqstan Prezidenti Nursultan Nazarbaev "Qazaqstan Respýblikasynyń keibir zańnamalyq aktilerine quqyq qorǵaý qyzmetiniń protsestik negizderin jańǵyrtý máseleleri boiynsha ózgerister men tolyqtyrýlar engizý týraly" Qazaqstan Respýblikasynyń Zańyna qol qoidy, - dep habarlaidy "Ult aqparat" Aqorda saityna silteme jasap.
Zań Memleket basshysynyń zań shyǵarý bastamasy tártibinde qabyldandy jáne Qylmystyq-protsestik kodekske, "Jedel-izdestirý qyzmeti týraly" jáne "Prokýratýra týraly" zańdarǵa túzetýlerdi kózdeidi, olar mynalarǵa:
- qylmystyq protseste azamattardyń quqyqtarynyń qorǵalýyn kúsheitýge jáne qylmystyq protsestiń qaitalanýyn azaitýǵa;
- qylmystyq protseste, onyń ishinde advokattardyń quqyqtaryn keńeitý esebinen jaryspalylyqty arttyrýǵa;
- sotqa deiingi satyda sottyń baqylaýyn keńeitýge;
- protsestik ókilettikterdi naqty bólýge;
- qylmystyq protsesti jeńildetýge jáne únemdilikpen júrgizýge baǵyttalǵan.
