Qazaqstan Respýblikasynyń Tuńǵysh Prezidenti Nursultan Nazarbaev qazaqstandyqtardy Qurban ait merekesimen quttyqtady, dep habarlaidy "Ult aqparat" Elbasynyń baspasóz qyzmetine silteme jasap.
***
Qurmetti otandastar!
Sizderdi Qurban ait merekesimen quttyqtaimyn!
Qurban ait – álemdegi búkil musylman qaýymy úshin qasietti meiram, jaqsylyqtyń, qaiyrymdylyq pen keńpeiildiliktiń simvoly.
Bul mereke beibitshilik, birlik jáne kelisim siiaqty jalpy adami qundylyqtardy qasterleýge úndeidi.
Qurban ait jáne basqa da dini meiramdar qoǵamda rýhani-adamgershilik negizderin nyǵaitýǵa septigin tigizetini jáne izgi niet pen igilikti amaldar arqyly kórinis tabatyny qýantady.
Osy meiramda aitylǵan igi tilekterińizdiń bári oryndala bersin!
Barsha qazaqstandyqtarǵa zor densaýlyq, baq-bereke tileimin!
