Foto ashyq derekkózden alyndy
Nursultan Nazarbaev qory Qaraǵandy oblysynda Kostenko atyndaǵy shahtadaǵy apattan qaza tapqan shahterlerdiń otbasyna 50 mln teńge materialdyq kómek bóldi.
"Kostenko atyndaǵy shahtada bolǵan tragediiany tereń kúizelispen qabyldaǵan elimizdiń Tuńǵysh Prezidentiniń tapsyrmasyna sáikes, Nursultan Nazarbaev qory qaza bolǵan shahterlerdiń otbasylaryna 50 million teńge qarjylai kómek bóldi", - delingen qor habarlamasynda.
Esterińizge sala keteiik, 28 qazanǵa qaraǵan túni Qaraǵandy oblysyndaǵy Kostenko atyndaǵy shahtada metan jarylyp, saldarynan 46 kenshi kóz jumdy. Apat faktisi boiynsha qylmystyq is qozǵaldy.
Sondai-aq Premer-ministrdiń tóraǵalyǵymen úkimettik komissiia quryldy.
29 qazan elimizde Jalpyulttyq aza tutý kúni bop jariialandy.
Osy apattan keiin Prezident "ArselorMittalmen" investitsiialyq yntymaqtasty toqtatýdy tapsyrdy. Úkimet kompaniiany Qazaqstan paidasyna berý týraly aldyn ala ýaǵdalastyqqa qol jetkizilgenin málimdedi.
