Búgin Astanada «Konstitýtsiia: quqyq ústemdiginiń, azamattyq qoǵam men zamanaýi memlekettiń qundylyqtaryn iske asyrý» atty halyqaralyq konferentsiia óz jumysyn bastady, dep habarlaidy Baq.kz aqparat agenttigi.
QR Memlekettik hatshysy Gúlshara Ábdiqalyqova konferentsiia qatysýshylaryna arnalǵan Elbasy Nursultan Nazarbaevtyń quttyqtaý sózin oqyp berdi.
«Dástúrge ainalǵan Qazaqstan Respýblikasynyń Konstitýtsiiasy kúnine arnalǵan halyqaralyq konferentsiiaǵa qatysyp otyrǵan Sizderge sálemimdi joldaimyn. Konferentsiianyń ózekti kún tártibi zamanaýi demokratiialyq, quqyqtyq, áleýmettik jáne zaiyrly memlekettiń negizin qurýdy qamtamasyz etken konstitýtsiialyq printsip pen normalardyń erekshe mańyzyn atap ótedi», - dedi Memleket basshysy.
Osy oraida Prezident 1995 jyly búkilhalyqtyq referendýmda qabyldanǵan QR Konstitýtsiiasy qazaqstandyq memlekettilik damýynyń, adam quqyqtary men bostandyqtarynyń múltiksiz saqtalýynyń berik irgetasyn qalaǵanyn atap ótti.
«Táýelsizdik jyldarynda qalyptasqan, halyqaralyq qoǵamdastyqta moiyndalǵan qazaqstandyq qoǵam damýynyń biregei modeli qoǵamdyq kelisim men turaqtylyq, ekonomikalyq damý jáne Qazaqstan halqynyń ortaq tarihi taǵdyry týraly konstitýtsiialyq erejelerdiń múltiksiz saqtalýynyń arqasynda múmkin boldy. Búgingi tańda elimizde Parlamenttiń, Úkimettiń jáne jergilikti ókildi organdardyń ókilettiligin edáýir keńeitýge múmkindik bergen Konstitýtsiialyq reforma sátti júzege asyryldy. Halyqtyń quqyqtyq mádeniet deńgeiin kóterý, Konstitýtsiiamen qabyldanǵan zańdarǵa joǵary qurmet dárejesin qamtamasyz etý ózekti másele. Quqyqtyq ústemdik etý, Konstitýtsiianyń joǵary turýy, zańnyń biligi - bul búgingi tańda Qazaqstannyń sátti damýynyń jáne onyń zamanaýi jahanda laiyqty orynǵa ie bolýynyń asa mańyzdy máselesi. Qoldanystaǵy Konstitýtsiianyń áleýeti Qazaqstannyń odan ári damýyna jáne álemniń barynsha damyǵan otyz eliniń qataryna kirýine uzaq jyldar qyzmet etetinine kámil senemin. Sizderdi Qazaqstan Respýblikasynyń Konstitýtsiia kúnimen quttyqtaimyn!», - dedi Elbasy.
Bul shara QR Konstitýtsiialyq keńesi, QR Tuńǵysh Prezidenti- Elbasynyń qorymen, Eýropa keńesiniń quqyq arqyly demokratiia úshin Eýropalyq komissiiamen, Astanadaǵy EQYU baǵdarlamasynyń keńsesimen, sondai-aq elordadaǵy jetekshi ýniversitettermen birlesip ótkizildi.
Aita keteiik, jiynǵa memlekettik qurylymdardyń basshylary, bedeldi halyqaralyq uiymdardyń ókilderi, konstitýtsiialyq baqylaý organdary, 20-dan astam halyqaralyq belgili ǵalymdar men quqyqtanýshylar qatysýda.
