Sońǵy jyldary elshilik qyzmetterde bolǵan Ermuhamet Ertisbaev Tuńǵysh Prezident Nursultan Nazarbaevtyń el Táýelsizdik alǵandaǵy saiasatyn eske aldy. Bul týraly ol Tengrinews.kz portalyna bergen suhbatynda aitty.
Ertisbaev Jelide Nazarbaevqa aitylatyn synǵa qatysty oiyn bildire otyryp, Elbasy qalaǵan saiasatqa til tigizýge nemese ony dattaýǵa bolmaitynyn aitty.
"Bizde Konstitýtsiia boiynsha Prezidenttiń ar-namysyna til tigizýge bolmaitynyn umytyp ketken. Sizder onyń áleýmettik-ekonomikalyq saiasatyn synap, ishki jáne syrtqy saiasatymen kelispeýlerińiz múmkin, biraq Prezidentke til tigizýge, ol jaily jaǵymsyz pikirler aitýǵa jol berilmeidi. (...) Nazarbaev zamanaýi memleket qurdy. Qazaqstanda biznes ashý úshin barlyq jaǵdai jasaldy. Bul aiqyn dúnie. Nazarbaev halyqtan bir ǵana nárseni surady - jumys isteńizder! Bilimi jáne aqyly barlar óz ómirlerin ózderi ózgertti", - dedi Ertisbaev suhbatynda.
Budan bólek, ol suhbatynda diplomatiialyq qyzmeti jaily áńgimelep, endi nemen ainalysatynyn aityp ótti. Sondai-aq, burynǵy diplomat Memleket basshysy Qasym-Jomart Toqaevqa, taiaýda taǵaiyndalǵan Almaty ákimi Baqytjan Saǵyntaevqa qatysty oiyn bildirdi.
Eske salaiyq, 12 tamyzda Ermuhamet Ertisbaevtyń Qazaqstannyń Belarýstegi elshisi qyzmetinen bosatylǵany habarlanǵan edi. Ertisbaevtyń ornyna bul qyzmetke Asqar Beisenbaev keldi.
Ermuhamet Qabidenuly Ertisbaev 1956 jyly 19 qarashada dúniege kelgen.
Qaraǵandy memlekettik ýniversitetin bitirgen. Saiasattaný ǵylymdarynyń doktory, professor. Aǵylshyn tilin meńgergen. Eńbek jolyn 1978 jyly Jezqazǵan pedagogikalyq institýtynyń assistenti bolyp bastaǵan. Keńes Áskeri qatarynda áskeri qyzmet ótegen. Lomonosov atyndaǵy MMÝ-de mashyqtanýshy-oqytýshy bolyp qyzmet atqarǵan, sonda aspirantýrany bitirip, dissertatsiia qorǵaǵan. Saiasat tarihy kafedrasynyń meńgerýshisi bolǵan. Birneshe monografiia men júzdegen ǵylymi jáne pýblitsistikalyq maqalanyń avtory.
"Pora vernýt nazvanie Alma-Ata?" - Ermýhamet Ertysbaev vozvrashaetsia v Kazahstan
