Elbasy halyq ártisi Álibek Dinishevti qabyldady, dep habarlaidy "Ult aqparat" Aqordaǵa silteme jasap.
Nursultan Nazarbaev Álibek Dinishevtiń Qazaqstan mádenieti men ónerin damytý jáne ilgeriletý isindegi airyqsha róli men sińirgen eńbegin atap ótti.
Memleket basshysy halyq ártisiniń Astana qalasy men búkil táýelsiz Qazaqstannyń qalyptasý úderisterine kýá bolyp, belsendi atsalysyp kele jatqanyn aitty.
Nursultan Nazarbaev Á.Dinishevti elordanyń 20 jyldyǵyna orai «Astana Opera» teatrynda qoiǵan kontsertiniń tabysty ótýimen quttyqtady.
Halyq ártisi Qazaqstan Prezidentiniń shyǵarmashylyq salasyndaǵy saiasatyna jáne memlekettiń óner qairatkerlerine qoldaý kórsetip otyrǵanyna rizashylyq bildirdi.
– Men Astananyń mereitoiyn atap ótýge úles qosýdy paryzym dep bilemin. Egemen elimizdiń mádenietin qalyptastyrý kezinde Sizben birge bolǵanymdy maqtan etemin. Bul jolda kóptegen qiynshylyqtar eńserildi. Qazir bári túbegeili ózgerdi, teatrlarǵa keremet jaǵdai jasaldy. «Astana Opera» – sonyń jarqyn mysaly. Onyń sahnasynda án aitý – zor qýanysh, – dedi Á.Dinishev.
