Qazir búkil álemde qiynshylyq bar. Bul týraly Memleket basshysy Nursultan Nazarbaev Aqordada ótip jatqan QR Úkimetiniń keńeitilgen otyrysynda málimdedi, dep habarlaidy BNews.kz tilshisi.
«Qazir eshkimge de ońai soǵyp otyrǵan joq. Ana joly men Qytaida álemniń eń myqty 20 eli bas qosqan jerge baryp keldim. Jalpy álemniń tynysyn baiqadym, óz kózimmen kórdim. Qazir barlyq jerde qiynshylyq bar. Eýropada da, sanktsiiaǵa bailanysty Reseide de jaǵdai osyndai. Ońtústigimizdegi Qytaidyń ózinde de ahýal kóńil kónshiterlik emes. Biz osyndai qiynshylyqtan shyǵýdy endi úirenip kele jatyrmyz. Mundai daǵdarystyń bolaryn sezip, aldyn ala tiisti baǵdarlamalar qabyldadyq. Qazir olar jumys istep jatyr. Máselen, ekonomika retsessiiasyna jol bergen joqpyz. Oń ózgerister bar. Investitsiia 6 paiyzdan artyq ósti, jumyssyzdyq 5 paiyz deńgeiinde saqtalyp qaldy. Qyrýar is tyndyryldy. Biz atqaryp jatqan sharýalardy qazir qai el jasap otyr?», - dedi Memleket basshysy.
Elbasynyń aitýynsha, jyl basynan beri elimizde biýdjet qyzmetkerleriniń jalaqysy 30 paiyzǵa artqan, járdemaqy 25 paiyz, zeinetaqy 9 paiyzǵa kóbeidi. Elimizde jyl saiyn 400 myń sábi dúniege keledi, olarǵa da kómek kórsetiledi.
.jpeg)