QR Tuńǵysh Prezidenti – Elbasy Nursultan Nazarbaev «EQYU-nyń Astana sammiti 2010: Tarihi máni men ózektiligi» atty halyqaralyq onlain konferentsiiaǵa qatysýshylarǵa quttyqtaý joldady. Quttyqtaýdy Elbasynyń keńesshisi – QR Tuńǵysh Prezidenti keńsesi Aqparattyq-saraptamalyq qamtamasyz etý bóliminiń meńgerýshisi Ádil Tursynov oqyp berdi, dep habarlaidy QazAqparat.
«Astana qalasynda 2010 jylǵy jeltoqsanda ótken Eýropadaǵy qaýipsizdik jáne yntymaqtastyq uiymy sammitiniń 10 jyldyǵyna arnalǵan halyqaralyq konferentsiianyń qatysýshylaryna ystyq yqylasymdy bildiremin. Atalǵan joǵary deńgeidegi kezdesý Eýropa, Ortalyq Aziia jáne Soltústik Amerikadaǵy 57 memleketti biriktiretin iri ári mańyzdy transqurlyqtyq uiym EQYU-daǵy Qazaqstan Respýblikasy tóraǵalyǵynyń asa aitýly oqiǵalarynyń biri boldy. Ózderińiz biletindei, Uly dala eli postkeńestik keńistikte EQYU-ny basqarý mártebesine ie bolǵan alǵashqy memleket», - dedi QR Tuńǵysh Prezidenti.
Elbasy Qazaqstannyń EQYU-ǵa tóraǵalyǵyna ótinim berý isin ilgeriletýmen tikelei ózi ainalysqanyn basa atap ótedi.
«Eń aldymen, uiym róline baiypty taldaý júrgizip, onyń bolashaǵyn somdaý úshin bizdiń eldiń halyqaralyq arenadaǵy jaýapty ári beibitsúigish saiasaty arqyly ortaq jaǵdai jasai alatyn qabiletin eskerdim. Ekinshiden, EQYU-daǵy tóraǵalyq sol ýaqyttyń ózinde eleýli jetistikterge qol jetkizip úlgergen Qazaqstandy demokratiialyq jáne ekonomikalyq turǵydan odan ári jańǵyrtýǵa jańa serpin beretindigin oiladym. Úshinshiden, uiymǵa basshylyq etken jyly bizdiń qyzmetimiz zor simvoldyq mańyzǵa ie boldy. 35 jyl buryn EQYU-nyń negizin qalaǵan qujat Helsinki qorytyndy aktisine jáne 20 jyl buryn jańa Eýropaǵa arnalǵan Parij hartiiasyna qol qoiyldy», - dedi Nursultan Nazarbaev.
QR Tuńǵysh Prezidenti osy jaittar eskerilip, tórt «T» - Senim (Trust), Dástúr (Tradition), Ashyqtyq (Transparency), Tózimdilik (Tolerance) Qazaqstannyń EQYU-ǵa tóraǵalyǵynyń uranyna ainalǵanyn atap ótti.
«Menińshe, 2010 jyly bizdiń el uiymnyń barlyq negizgi úsh ólshemi – áskeri-saiasi, ekonomikalyq-ekologiialyq jáne gýmanitarlyq ólshemderi boiynsha belsendi ári úilestirilgen jumys júrgizýge baǵyttalǵan óz qyzmetiniń baǵdarlamasyn tabysty iske asyrdy», - dedi Elbasy.
