QR Prezidenti Nursultan Nazarbaev Qazaqstan men Reseidiń Óńiraralyq yntymaqtastyǵynyń XV forýmyna qatysý úshin Petropavl qalasyna keldi, dep habarlaidy QazAqparat tilshisi.
Belgili bolǵandai, Elbasy shahardaǵy jańa Oqýshylar saraiy men Kirov atyndaǵy zaýyttyń jumysymen tanysady.
Soltústik Qazaqstan oblysyna RF Prezidenti Vladimir Pýtin bastaǵan delegatsiia da saparlaityny kútilýde. Memleket basshylary aldymen forým qarsańynda ashylǵan «Qazaqstan men Reseidegi týrizmdi damytýdyń jańa joldary men úrdisteri» atty kórmemen tanysýǵa barady.
Sonymen qatar, QR Prezidenti Nursultan Nazarbaev pen RF basshysy Vladimir Pýtinniń qatysýymen ótetin plenarlyq otyrysta eki eldiń týrizmin damytý máseleleri talqylanbaq.
Forým aiasynda Qazaqstan men Reseidiń vedomstvo ókilderi, oblys basshylary týristik salanyń áleýeti jóninde tanystyrylymdar ótkizedi. Osydan keiin qol jetkizilgen ýaǵdalastyqtar boiynsha ekijaqty birqatar qujattarǵa qol qoiylatyny josparlanǵan.
Budan buryn habarlanǵandai, Soltústik Qazaqstan oblysynda «Qazaqstan men Reseidegi týrizmdi damytýdyń jańa tásilderi men tendentsiialary» atty týristik kórme óz jumysyn bastady.
Kórmege Qazaqstannyń barlyq óńirleri, tórt uiym, tórt týroperator, bir ulttyq kompaniia qatysyp jatyr. Munymen qosa, Reseidiń 11 aimaǵy, 3 týroperatory ózderiniń ónimderi men týristik nysandaryn tanystyrýda. Shara barysynda birqatar kommertsiialyq qujattarǵa qol qoiyldy. Kórmege Qazaqstan men Reseiden 200-ge jýyq jýrnalist keldi.
