Memleket basshysy Almatydaǵy 28-shi Dúniejúzilik qysqy ýniversiadada joǵary nátije kórsetken ulttyq quramanyń múshelerin quttyqtady, - dep habarlaidy "Ult aqparat" Aqordaǵa silteme jasap.
«Sizderdiń qaisarlyqtaryńyzdyń arqasynda Qazaqstannyń jalpy komandalyq ekinshi orynǵa qol jetkizýi – eldiń biik bedeliniń, buqaralyq sporttyń damyǵandyǵynyń aiqyn kórsetkishi.
Qazaqstannyń sport mektebiniń dańqyn taǵy bir márte asqaqtatyp, joǵary daiyndyqtaryńyzdy, jeńiske degen umtylys pen erik-jigerlerińizdi kórsettińizder.
2017 jylǵy ýniversiada barlyq qazaqstandyqtar úshin naǵyz merekege ainaldy.
Sportshylarymyzdyń jeńisi qysqy sport túrlerin odan ári damytýǵa serpin berip, keler urpaqqa úlgi bolýǵa tiis.
Ýniversiadanyń uiymdastyrý komitetine jarysty joǵary deńgeide ótkizip, jaýapkershilik tanytqany úshin alǵys aitamyn.
Barlyq sportshylarǵa myqty densaýlyq jáne jańa belesterdi baǵyndyrý jolynda tabys tileimin!», – delingen quttyqtaýda.
