مەملەكەت باسشىسى الماتىداعى 28-شٸ دٷنيەجٷزٸلٸك قىسقى ۋنيۆەرسيادادا جوعارى نەتيجە كٶرسەتكەن ۇلتتىق قۇرامانىڭ مٷشەلەرٸن قۇتتىقتادى, - دەپ حابارلايدى "ۇلت اقپارات" اقورداعا سٸلتەمە جاساپ.
«سٸزدەردٸڭ قايسارلىقتارىڭىزدىڭ ارقاسىندا قازاقستاننىڭ جالپى كوماندالىق ەكٸنشٸ ورىنعا قول جەتكٸزۋٸ – ەلدٸڭ بيٸك بەدەلٸنٸڭ, بۇقارالىق سپورتتىڭ دامىعاندىعىنىڭ ايقىن كٶرسەتكٸشٸ.
قازاقستاننىڭ سپورت مەكتەبٸنٸڭ داڭقىن تاعى بٸر مەرتە اسقاقتاتىپ, جوعارى دايىندىقتارىڭىزدى, جەڭٸسكە دەگەن ۇمتىلىس پەن ەرٸك-جٸگەرلەرٸڭٸزدٸ كٶرسەتتٸڭٸزدەر.
2017 جىلعى ۋنيۆەرسيادا بارلىق قازاقستاندىقتار ٷشٸن ناعىز مەرەكەگە اينالدى.
سپورتشىلارىمىزدىڭ جەڭٸسٸ قىسقى سپورت تٷرلەرٸن ودان ەرٸ دامىتۋعا سەرپٸن بەرٸپ, كەلەر ۇرپاققا ٷلگٸ بولۋعا تيٸس.
ۋنيۆەرسيادانىڭ ۇيىمداستىرۋ كوميتەتٸنە جارىستى جوعارى دەڭگەيدە ٶتكٸزٸپ, جاۋاپكەرشٸلٸك تانىتقانى ٷشٸن العىس ايتامىن.
بارلىق سپورتشىلارعا مىقتى دەنساۋلىق جەنە جاڭا بەلەستەردٸ باعىندىرۋ جولىندا تابىس تٸلەيمٸن!», – دەلٸنگەن قۇتتىقتاۋدا.
