Qazaqstannyń Tuńǵysh Prezidenti Nursultan Nazarbaev qaýipsizdik qyzmetiniń bastyǵyn aýystyrdy, dep habarlaidy "Ult aqparat" Elbasy.kz saityna silteme jasap.
"Elbasynyń sheshimimen Jasulan Amanjoluly Sársembai memlekettik kúzet qyzmeti bastyǵynyń orynbasary – Qazaqstan Respýblikasynyń Tuńǵysh Prezidenti – Elbasynyń qaýipsizdigi qyzmetiniń bastyǵy bolyp taǵaiyndaldy", - delingen resmi habarlamada.
Al Batyrbek Baibosynov basqa jumysqa aýysýyna bailanysty osy qyzmetten bosatyldy.
Aita keteri, Jasulan Sársembai 2018 jyldyń qarashasy men 2019 jyldyń maýsymy aralyǵynda Elbasy qaýipsizdigi qyzmetiniń bastyǵy bolǵan.
Búgin Qazaqstan Prezidenti Qasym-Jomart Toqaev Memlekettik kúzet qyzmetinde kadrlyq aýys-túiis jasaǵan edi. Prezidenttiń jarlyǵymen Ermek Saǵymbaev Qazaqstan Respýblikasy Memlekettik kúzet qyzmetiniń bastyǵy laýazymyna taǵaiyndaldy.
Eske salsaq, buǵan deiin Memlekettik kúzet qyzmetin Qalmuhanbet Qasymov basqardy. Osy jyldyń 30 shildesinde prezidenttiń jarlyǵymen ol qyzmetinen bosatyldy. Prezidenttiń baspasóz hatshysy Berik Ýáli Qalmuhanbet Qasymov otstavkaǵa jáne memlekettik qyzmetten ketý týraly ózi ótinish bergenin habarlady.
