Foto: Tengrinews.kz, Turar Qazanǵapov
Qazaqstan Prezidenti Qasym-Jomart Toqaev Tuńǵysh Prezident Nursultan Nazarbaevty Qaýipsizdik keńesi men Qazaqstan halyq Assambleiasyn ómir boiy basqarý quqyǵynan aiyratyn zańnamalyq túzetýlerge qol qoidy.
Sondai-aq endi Qazaqstannyń ishki jáne syrtqy saiasatyna qatysty bastamalar Elbasymen kelisilmeidi, dep jazady Sputnik Qazaqstan.
Mundai normalar "Qazaqstan Respýblikasynyń keibir konstitýtsiialyq zańdaryna ózgerister men tolyqtyrýlar engizý týraly" Konstitýtsiialyq zańda qarastyrylǵan.
QHA men Qaýipsizdik keńesi tóraǵasynyń ókilettikteri Qazaqstannyń qazirgi Prezidenti Qasym-Jomart Toqaevqa berildi.
Degenmen Nazarbaev el úshin mańyzdy máselelerdi talqylaý kezinde Parlament pen onyń palatalary aldynda, Úkimet otyrystarynda sóz sóileýge quqyly.
Sondai-aq Elbasy Konstitýtsiialyq keńes quramyna kire alady.
