Memleket basshysy Nursultan Nazarbaev Ilham Álievke Ázerbaijan Respýblikasynyń Prezidenti laýazymyna qaita sailanýyna bailanysty quttyqtaý jedelhatyn joldady, dep habarlaidy Aqordanyń baspasóz qyzmeti.
Memleket basshysy Qazaqstan halqynyń jáne jeke óziniń atynan Ilham Álievti Ázerbaijan Respýblikasy Prezidentiniń sailaýyndaǵy aiqyn jeńisimen quttyqtady.
«Ótken sailaýdaǵy jeńisińiz azamattardyń ál-aýqatyn odan ári arttyrýǵa jáne memleketińizdiń halyqaralyq arenadaǵy bedelin nyǵaitýǵa baǵyttalǵan Sizdiń saiasatyńyzǵa Ázerbaijan halqynyń kórsetken joǵary qoldaýynyń dáleli bolyp sanalady.
Baýyrlas Ázerbaijan eliniń órkendeýi jolyndaǵy jaýapty qyzmetińizde jańa tabystarǵa qol jetkizýińizge jáne aldaǵy barlyq josparyńyzdyń sátti iske asyrylýyna tilektespin.
Qazaqstan men Ázerbaijan arasyndaǵy berik dostyq pen senimge negizdelgen qarym-qatynastardy nyǵaitýǵa zor úles qosqanyńyzdy da atap ótkim keledi.
Eki el arasynda qalyptasqan strategiialyq yntymaqtastyq halyqtarymyzdyń jarqyn bolashaǵy úshin odan ári qarqyndy dami beretinine kámil senemin», - delingen jedelhatta.
Sońynda Qazaqstan Prezidenti baýyrlas Ázerbaijannyń búkil halqyna beibitshilik pen baq-bereke tiledi.
