Ázirbaijan prezidenti Ilham Áliev Qazaqstan Prezidenti Nursultan Nazarbaevty Geidar Álievtiń ordenimen marapattaý týraly qaýlyǵa qol qoidy, - dep habarlaidy RIA Novosti.
Aita keteiik, Qazaqstan Prezidenti Bakýge resmi saparmen kelgen bolatyn.
Nursultan Nazarbaev kezdesý barysynda eki el arasyndaǵy tarihi jáne mádeni bailanysy bar dostyq qarym-qatynasty aita otyryp, eki el arasyndaǵy yntymaqtastyqty barlyq cala boiynsha damytý qajettigin aityp ótti.
"Qazaqstan Prezidenti Nursultan Nazarbaev Qazaqstan men Ázirbaijan arasyndaǵy dostyq qarym-qatynasty nyǵaitýdaǵy erekshe eńbegi úshin Geidar Álievtiń ordenimen marapattalsyn", - dep keltiredi baspasóz qyzmetindegiler Ilham Álievtiń sózin.
Geidar Álievtiń ordeni - Ázirbaijandaǵy eń joǵary marapat, orden 2005 jyldyń sáýirinde bekitilgen. Bul orden shetel azamattaryna Ázirbaijan eli aldyndaǵy ereń eńbekteri úshin, onyń ishinde Ázirbaijannyń basqa eldermen saiasi, ekonomikalyq, ǵylymi jáne mádeni bailanysyn jaqsartýǵa úles qosqany úshin beriledi.
Eske sala keteiik, Nursultan Nazarbaev 2 sáýirde resmi saparmen Ázirbaijanǵa kelgen bolatyn. Nazarbaevty Baký halyqaralyq áýejaiynda Ázirbaijan Respýblikasy premer-ministriniń birinshi orynbasary Iagýb Eiiýbov, Syrtqy ister ministriniń orynbasary Halaf Halafov pen basqa da resmi tulǵalar kútip alǵan edi.
Sondai-aq, Memleket basshysynyń Shahidter alleiasyndaǵy máńgilik alaý men Ázerbaijannyń jalpyulttyq kóshbasshysy Geidar Álievtiń beiitine gúl shoǵyn qoiý rásimine qatysqany jaily habarlaǵan edi.
Keiinirek Qazaqstan Prezidenti Ilham Álievpen kezdesken bolatyn. Memleketter basshylary resmi kezdesý rásiminen soń "Zagýlba" rezidentsiiasynda shaǵyn qurammen kelissóz júrgizdi.
