QR Tuńǵysh Prezidenti – Elbasy Nursultan Nazarbaev XVII Eýraziialyq media forým qatysýshylaryna quttyqtaý lebizin joldady, dep habarlaidy QazAqparat.
«XVII Eýraziia media forýmynyń qatysýshylary men qonaqtaryn quttyqtaǵanyma qýanyshtymyn. Jyldar boiy forým pikir almasatyn tanymal mediaalańǵa ainaldy. Belgili saiasatkerler, sarapshylar jáne jetekshi buqaralyq aqparat quraldarynyń ókilderi munda álemdik qoǵamdastyq úshin eń ózekti máselelerdi qarastyrady, olardy sheshýdiń jańa joldaryn ázirleidi», - dep QR Memlekettik hatshysy Qyrymbek Kósherbaev Nursultan Nazarbaevtyń quttyqtaýyn oqyp berdi.
Nursultan Nazarbaev forýmnyń óz tarihynda alǵash ret onlain formatta ótip jatqanyn, biraq bul Eýraziia men álemniń ózekti máseleleriniń mańyzy men keń talqylanýyna esh áser etpeitinin atap ótti.
«Biyl Qazaqstan óz Táýelsizdiginiń 30 jyldyǵyn atap ótýde. Biz úlken jáne kúrdeli joldan óttik, onda aitarlyqtai barlyǵy moiyndaǵan nátijelerge qol jetkizdik. Qazir elimizdiń aldynda jańa órshil maqsat tur – 2050 jylǵa qarai álemniń eń damyǵan 30 memleketiniń qataryna kirý. Árdaiym Qazaqstan qozǵalysynyń negizi – halyqtyń birligi bolǵandyqtan, atalǵan strategiialyq maqsatqa da qol jetkiziledi», - deidi Elbasy.
Nursultan Nazarbaev qazirgi jahandyq syn-qaterler men pandemiiaǵa qarsy kúres jaǵdaiynda uiymshyldyq qaǵidaty búkil adamzat úshin negiz qalaýshy bolýy keregin aitty.
«Forýmnyń barlyq qatysýshylaryna jemisti pikirsaiys tileimin. Sizderdiń jumystaryńyz qazirgi álemniń odan ári damýy tek birlik, dialog jáne ózara qurmet arqyly ǵana múmkin bolatynyn jahannyń uǵynýyna qyzmet etsin», - dedi Elbasy.
