Eýraziialyq ekonomikalyq odaq álemdik óndiristik saýda aǵymynyń tartylys núktesine ainalýy kerek. Joǵary Eýraziialyq ekonomikalyq keńestiń otyrysynda Elbasy, JEEK Qurmetti tóraǵasy Nursultan Nazarbaev osylai málim etti, dep habarlaidy QazAqparat.
«Bizdiń jumysty kelesi baǵytta jalǵastyrý kerek dep esepteimin: birinshiden, biz bizdiń memleketterdiń ónerkásiptik áleýetiniń integratsiialyq qarqynyn údetý kerek. Búgingi tańda shikizatqa jatpaityn taýarlardyń kólemi ózara taýar ainalymynda bar-joǵy 16 paiyzdy quraidy. Bul óte az. Bul baǵyttaǵy qadam básekege qabiletti basymdyqtardyń spektrin qamtamasyz etedi», - dedi Nursultan Nazarbaev otyrysta.
Elbasy ekinshiden ekonomikalyq odaqqa múshe memleketter saýda aǵymynyń bekemdigin qamtamasyz etýi kerektigin aitty.
«Ózara saýdanyń áleýeti ókinishke qarai áli ózin kórsete alǵan joq. Bul bizdiń basty mindetimiz bolýy kerek. Negizinde biz basqa memleketterden kelgen importtyq taýarlardy óz taýarlarymyzben aýystyrýymyz kerek. Salystyryp aitsam, Eýropa odaǵy, OShAES sekildi basqa odaqtarda bul kórsetkish 63 paiyzdy, 45 paiyzdy quraidy. Al bizde bul kórsetkishtiń kólemi bar-joǵy 9 paiyz ǵana. Úshinshiden, álemdik tsifrlyq naryqtaǵy teńdessiz ózgeristerdiń kýási bolyp otyrmyz. IT-indýstriia – osy jyldyń basty benefetsiary boldy. Pandemiia tsifrlyq transformatsiiany jedeldetip jiberdi. Biznes júrgizýdiń dástúrli amaldaryn ózgertti, áleýmettik salany, ekonomikany radikaldy turǵyda ózgertti. EAEO – didjitilizatsiiasy belsendi birlestikke ainalýy tiis», - dedi ol.
