Niý-Iork qalasynda Birikken Ulttar Uiymy Bas Assambleiasynyń Halyqaralyq iadrolyq synaqtarǵa qarsy is-qimyl kúnine arnalǵan joǵary deńgeidegi plenarlyq otyrysy ótip jatyr, dep habarlaidy Elbasynyń baspasóz qyzmeti.
Jiyn Qazaqstannyń Tuńǵysh Prezidentiniń beineúndeýimen ashyldy. Nursultan Nazarbaev jahandyq qaýipsizdikti qamtamasyz etýge baǵyttalǵan qyzmettiń mańyzdylyǵyna toqtalyp, halyqaralyq arenada antiiadrolyq qozǵalysty ilgeriletý jolyndaǵy qazaqstandyq diplomatiianyń erekshe kúsh-jigerin atap ótti.
– Osydan otyz jyl buryn men álemdegi eń iri iadrolyq poligonnyń biri – Semei iadrolyq poligonyn jabý týraly Jarlyqqa qol qoidym. Bul adamzat tarihynda iadrolyq synaqtar ótkizýge zańdyq turǵyda tyiym salǵan alǵashqy sheshim edi. Semei poligonynan keiin dúnie júzi boiynsha basqa da poligondar jabyldy nemese toqtatyldy. Iadrolyq synaqtarǵa tyiym salý jahandyq sipatqa ie boldy, – dedi Elbasy.
Beineúndeýdiń tolyq nusqasyn tómendegi videodan kórýge bolady.
