«QR Prezidenti Nursultan Nazarbaev Qaýipsizdik keńesiniń jiynynda búgin Almatyda bolǵan atysty terakt dep atady», — dep habarlaidy Ult.kz tilshisi Aqordaǵa silteme jasap.
Otyrys barysynda Ishki ister ministri Q.Qasymovtyń, Ulttyq qaýipsizdik komitetiniń tóraǵasy V.Jumaqanovtyń, sondai-aq Qaýipsizdik keńesiniń basqa da músheleriniń Almaty qalasyndaǵy oqiǵalarǵa qatysty baiandamalary tyńdaldy. Qazaqstan Prezidenti qaza bolǵandar men zardap shekkenderdiń týystaryna kóńil aityp, memlekettik organdarǵa olarǵa qajetti kómek kórsetýdi tapsyrdy.
«Búgin Almatyda, ókinishke qarai, taǵy da adam qurbandyǵyna ushyratqan terrorlyq akt boldy. Zardap shekkender men qaza bolǵandardyń jaqyndaryna kóńil aitamyn, olarǵa tiisti psihologiialyq jáne materialdyq qoldaý kórsetý kerek. Sondai-aq quqyq qorǵaý organdaryna qaladaǵy quqyq tártibin qamtamasyz etý turǵysynan barlyq qajetti sharany qabyldaýdy tapsyramyn», — dedi Memleket basshysy.
Aita keteiik, búgin Almatydaǵy Almaly aýdandyq IIB jáne UQKD ǵimarattaryna shabýyl jasaldy, qazirgi ýaqytta Almatyda «Jedel ustaý» arnaiy jospary jariialandy. Osy oraida politseiler turǵyndarǵa úilerinen shyqpaýdy ótingen. Qaladaǵy barlyq qarý-jaraq satatyn dúkender jabylǵan. Úsh politsiia qyzmetkeri jáne bir beibit turǵyn qaza tapqan. Shabýyl jasaǵandardyń ekeýi ustaldy», — delingen Almaty IID taratqan aqparatta. Jansaqtaý bóliminde 8 politsei jatyr. Almatyda terrorlyq qaýiptiń «qyzyl deńgeii» jariialanǵan.
