QR Prezidenti Nursultan Nazarbaev «Bolashaqqa baǵdar: Rýhani jańǵyrý» baǵdarlamalyq maqalasy aiasynda atqarylyp jatqan jumystardy qorytyndylady, dep habarlaidy "Ult aqparat" Baq.kz agenttigine silteme jasap.
«Jahandaǵy zamanaýi Qazaqstan mádenieti» jobasynyń aiasynda tuńǵysh ret táýelsizdik dáýirinde barlyq óner týyndylary túgendelip, tizimi jasaldy. 4 baǵyt boiynsha eń úzdik 500 shyǵarmany iriktep, álemdik deńgeide nasihattai bastadyq. Óner týyndylarynyń mýzei qorlary tsifrlyq tásilge kóshirilip jatyr. Úzdik shyǵarma degende, bizde nashar jazýshy joq qoi, bári kemeńger, ózderińiz bilesizder! «Meniki jaqsy, meniki jaqsy» deidi, tańdaý ońai emes. Shynynda da jaqsy jazýshylarymyz ben aqyndarymyz bar. Degenmenen dúniejúzine shyǵaratyn kezde á degende aýzymyzǵa Muhtar Áýezov, Abai túsedi. Sonyń ózinde «men odan da jaqsy jazdym dep» synap júretin azamattarymyz bar», - dedi Nursultan Nazarbaev.
Ol sonymen birge «Rýhani jańǵyrý: Bolashaqqa baǵdar» baǵdarlamalyq maqalasynyń 5-baǵyty «Qazaqstannyń 100 jańa esimi» jobasy týraly aita ketti.
«102 jańa esimdi anyqtap, nasihattaýǵa kiristik. Olardy tyńdap otyrǵanda bul jobany nege baiaǵydan jasamadyq dep oiladym. Bizde qandai keremet janyp turǵan jastarymyz bar. Qandai oilar, qandai jańashyldar bar. Bizdiń elimizde «Kremnii alqabynda» shyǵyp jatqan nárselerdiń bárin shyǵaratyn jastarymyz bar. Solarǵa jaǵdai jasap, qoldaýymyz kerek», - dedi memleket basshysy.
