Prezident Jer kodesiniń daý týdyrǵan birqatar normalarynyń moratoriiin taǵy bes jylǵa, 2021 jyldyń 31 jeltoqsanyna deiin uzartqanyn taǵy bir márte eske saldy.
"Jer reformasy boiynsha qurylǵan komissiia biraz sharýa tyndyrdy. Qoǵamnyń kókeiinde júrgen problemalardy talqylap, buǵan deiin eskerilmei kelgen kóptegen kemshilikterdi anyqtady. Osyǵan bailanysty birqatar usynystar ázirlendi. Sonyń barlyǵy bólek bir zańda kórinis taýyp, Parlamenttiń qaraýyna engiziledi. Atap aitqanda, aýyl sharýashylyǵy jerlerin taratý júiesin jetildirý, jerdi utymdy paidalanýdy baqylaý jáne taǵysyn taǵy. Shyny kerek, bir qolǵa júzdegen myń gektar jerdi birden berip tastaýǵa bolmaidy. Biz osyny eskermei keldik. Álem boiynsha ondai tájiribe joq. Biz bolsaq, bas kezinde jerdi ońdy-soldy taratýǵa kiristik. Jerdi alǵan árbir adam oǵan jaýap berýi kerek. Jer aýyl sharýashylyǵy salasynda tájiribesi bar azamattarǵa berilgen jón. Onyń bilimi bar, tájiribesi bar degendei. Bizde bolsa, kim kóringenniń bári jerdi alyp aldy. Qazir biz prokýratýra arqyly ol jerlerdi memleketke qaitaryp jatyrmyz. Sebebi osy ýaqytqa deiin ol jerlerdi qýrai basyp ketti", - dep atap kórsetti N.Nazarbaev Parlament palatalarynyń birlesken otyrysynda.
Memleket basshysynyń aitýynsha, Úkimet Jer kodeksine ózgerister engizgen kezde aýyl sharýyshylyǵy salasyna qarjy tartýdy kózdedi. Sebebi búginde osy salaǵa quiylyp jatqan biýdjet aqshasynyń qaitarymy tómen bolyp tur. Qaryzdyń kólemi ósip keledi. Kúnderdiń kúninde onyń bári "sabyn kópirshikteri" siiaqty jarylyp, el ekonomikasyn tyǵyryqqa tireýi ábden múmkin.
"Osyny aldymen túsindirý jumystarynan bastap, artynan zańdy qabyldaǵanda jaǵdai múldem basqasha bolatyn edi. Agrarlyq sektorǵa qatysty zańnamany qabyldaǵan kezde osy máselelerdi barynsha eskerý kerek", - dedi Prezident.
.jpeg)