Azamattyq qoǵam qurylǵanda ózge ulttyń ókiliniń de Prezident bolyp sailanýǵa múmkindigi bolady. Bul jaiynda búgin respýblikalyq basylymdarda jariialanǵan QR Prezidenti Nursultan Nazarbaevtyń Qazaqstan halqyna arnalǵan Joldaýynda aitylǵan, dep habarlaidy "Ult aqparat".
«Orys tilin bilý mańyzdy bolyp qala beredi. 2016 jyldan beri jańartylǵan baǵdarlama boiynsha orys tili qazaq mektepterinde 1-synyptan bastap oqytylyp keledi. 2019 jyldan 10-11-synyptardaǵy jaratylystaný ǵylymynyń jekelegen pánderin oqytýdy aǵylshyn tiline kóshirý bastalatyn bolady», - dedi Nursultan Nazarbaev Qazaqstan halqyna arnalǵan Joldaýynda.
Nátijesinde, Memleket basshysynyń paiymynsha, bizdiń barlyq túlekterimiz elimizde jáne jahandyq álemde ómir súrip, jumys isteýi úshin qajetti deńgeide úsh tildi meńgeretin bolady.
«Sonda ǵana naǵyz azamattyq qoǵam qurylady. Kez kelgen etnikalyq toptyń ókili kez kelgen jumysty tańdai alady, tipti Prezident bolyp sailanýǵa da múmkindigi bolady. Qazaqstandyqtar birtutas ultqa ainalady», - dedi Nursultan Nazarbaev.
