Qazaqstannyń Tuńǵysh Prezidenti «Astana» Halyqaralyq qarjy ortalyǵynda boldy, dep habarlaidy elbasy.kz.
Nursultan Nazarbaevqa «EKSPO-2017» kórmesiniń muralary jáne AHQO quqyqtyq júiesin damytý boiynsha qabyldanǵan sharalar jóninde aqparat usynyldy.
Sonymen qatar, Elbasyna AHQO Soty, Aǵylshyn quqyǵy akademiiasy, Halyqaralyq tórelik ortalyǵy jáne AHQO Ahýaldyq ortalyǵynyń qyzmeti týraly málimet berildi.
Sondai-aq, Qazaqstannyń Tuńǵysh Prezidenti qarjy ortalyǵy Birjasynyń negizgi aktsionerleri jáne qatysýshylarymen kezdesti.
Spikerlerdiń baiandamasyn tyńdaǵan soń Nursultan Nazarbaev el basshylyǵynyń AHQO qyzmetin tolyq qoldaityndyǵyn atap ótti.
- Jekeshelendirý josparyn AHQO Birjasy arqyly iske asyrýdy jalǵastyrý qajet. Árine, álemdik naryq ahýalyn eskergen jón. Sonymen qatar, álemniń halyqaralyq qarjy ortalyqtarynyń AHQO-ǵa degen senimin kúsheitý kerek. Ulttyq ekonomikaǵa tartylatyn qarjy resýrstarynyń mólsheri osyǵan bailanysty, - dedi Elbasy.
Qazaqstannyń Tuńǵysh Prezidenti ekonomikalyq ósimniń joǵary qarqynyn qamtamasyz etýdiń jáne eldiń strategiialyq damý josparlaryna qol jetkizýdiń mańyzdylyǵyn atap ótti.
- Alda ortalyqty aýqymdy jumys kútip tur. Barlyq seriktestermen qalyptasqan is-qimyldy jalǵastyrý mańyzdy. Men AHQO jumysyn udaiy qoldaityn bolamyn, - dedi Nursultan Nazarbaev.
